ادخل وفضفض

بسم الله الرحمن الرحيم

الموضوع باختصار هو فضفضه يعنى كل واحد فينا جواه احاسيس كتيرمختلفه احيانا بنكون عايزين نتكلم ونطلع اللى جوانا لكن مش بنقدر انا اخترت الموضوع ده عشان كل واحد فينا يدخل ويقول اللى جواه حتى لوملوش علاقه بالمنتدى ولا موضوعاته يعنى ادخل او ادخلى احكى اللى جواك يا ترى انت زعلان ولا مبسوط ليك عتاب على اى عضومعنا بتمر بمرحله حب بتعمل ايه فى يومك يا ترىالنهارده حاسس بملل يا ترى عايز تعمل ايه النهارده
اتمنى ان الموضوع يعجبكم

السلام عليكم ورحمة الله وبركاتة
فى البداية احب ان ابدى مدى شكرى على قبولكم انى اكون عضو بالمنتدى وكمان المشاركة. عاجبنى جدا الموضوع الفضفضة اوى يمكن لانى اخدت على انى اسمع لاصحابى واحل ليهم مشاكلهم ما اتعودت ان حد يسمعلى وبالطريقة دى مش واحد بعينة هيسمع لا كتير علشان كدة حابة انى اكون من ضمن اللى بيحكى ويسمع ومستعدة للمشاركة فى حل اى مشكلة تعرضوها.

اوك دكتوره واحنا بنرحب بيكى معانا فى المنتدى وامنى ان تكون مبسوطه معانا

السلام عليكم ورحمة الله وبركاتة
انا اسمى اميرة بحضر ماجستير الحمد لله بعد اسابيع قلية هناقش رسالتى ان شاء الله . حبيت بس انى اعرفكم عليا. كمان حابة انى اتكلم معاكم شوية مش عارفة اليوم يمكن اكون مضايقة ودى لاسباب عدة منها حاجات فى الكلية ومنها حاجات من اعز الاصدقاء مش عارفة بصراحة اية اللى بيحصل ولية ممكن يكون حقد زى ما بيقولوا بس معقول يكون من اقرب الناس ليك. يمكن كلامى مختصر ودا لانى ما اتعودت احكى من قبل لاى حد بس يمكن لما اتكلمت شوية هحس براحة ربنا يسهل مش حابة انى اطول عليكم. سلام