عدد الرسائل : 112 العمر : 36 الموقع : hamedsForum الوظيفه : DirectorGeneral الهوايات : Reading and travel تاريخ التسجيل : 07/04/2008
موضوع: الواصايا العشرة فى ازاى تحرق دم خطيبتك الخميس أبريل 24, 2008 8:56 pm
اهلا بشباب جمهوريتنا كلها جمهورية مصر العربية - ام الدنيا يعنى ام اوروبا و ام آسيا و ام اميركا و اللى جابوا امريكا الموضوع هيبقى باللكنة العامية المصرية 100 %
بم ان انا و اعز اصدقائى كنا قاعدين على الكورنيش زى القرود و قاعدين نتفرج على الناس المخطوبين و بنتكلم عليهم شوفنا موقف كدة الظاهر الواد زعل البنت و حصلت مشكله ( ههههههه ) حسدناهم فبكل عفوية سألنى صديقى ايه ده ! هى خطيبتى هتبقى تعمل معايا كدة ! ؟ قولتله يابنى بعد عمر طويل ان شاء الله هعلمك ازاى تحرق دم خطيبتك و قررت اقوله على الوصايا العشر من سلسلة ازاى تحرق دم خطيبتك !
1 - طبعا هى هتاخدك فى كل حتة علشان تتفشخر بيك قدام اصحابها البنات ما انت القرد بتاعها ههههه هتكلمك تقولك يالله بينا ننزل تقولها روحى يا حبيبتى و انا هحصلك و ادخل نام لك ساعتين ده انت غلبان و طالع عين ام اللى جابوا ابو عم احمد بتاع الفووول
2 - لو صحيت من النوم نقّى اقذر هدوم عندك و مفيش مانع لاستخدام المقص فى تشويه الهدوم و نعكش شعرك كدة و بعدين انزل لخطيبتك و اصحابها بقى و بعدين كل شوية تحط صباعك فى مناخيرك و حاول تدخل صباعك كله فيها
3 - لو دخلتوا مطعم بقى خلى بالك معايا كُل بشراهه كأنك مشوفتش اكل قبل كدة و متنساش اطلب اكل كتير و اطلب حاجة ساقعه و متنساش الاصوات المصاحبة للانتفاخ الناتج عن الصودا
4 - لو جالكم الحساب و انتوا قاعدين فى المطعم او الكافى بص فيه و قول ايه ده انتوا اسعارك نااااار عشان اصحاب خطيبتك يعرفوا انك بخيل و قولهم حاسبوا بقى عشان انا معايا 3 جنيه و 75 قرش مش هيكفوا
5 - بعد الاكل قولهم انا رايح ارجّع فى الحمام و ادخل على اى حنفيه و حط على بنطلونك شوية ميه و اطلع اللى تشوفه سلم عليه و بوسه
6 - لما تخرجوا تانى ان شاء الله قولهم المكان اللى كنا فيه ده مستحيل نروحه تانى ده اسعارهم نار و كفاية اللى دفعته لكم المرة اللى فاتت ( ألبس لهم الوش ) .
7 - لما تحبوا تتفسحوا فى اى حته و يقولولك هات العربية قولهم العربية بايظة و ركبهم ترام او اوتوبيس او سيرفيس او مشروع و لو فيه توك توك ماشى
8 - هات معاك بـ 50 قرش لب و بـ 50 قرش سودانى و ازازهم و تف من الشباك و مفيش مانع تبص ورا و انت بتّف القشر
9 - اوعى تتصل بيها على الموبايل فى اختراع اسمه كلمنى شكراً ببلاش
10 - فى عيد ميلادها او اى مناسبة خاصة كفاية نص كيلو موز او بجنيه بصل اخضر عشان الميزانية متخرّمش
و فى النهاية اتمنى لكم حياة سعيدة و مليانة دفئ و درجة الحرارة 100 و نهاركم سعيد
الخميس أبريل 24, 2008 8:56 pm
و بنتكلم عليهم
قولهم المكان اللى كنا فيه ده مستحيل نروحه تانى
فى اختراع اسمه كلمنى شكراً ببلاش